കല്‍പ്പറ്റ: സമസ്ത കേരള ജംഇയ്യത്തുല്‍ ഉലമാ ജില്ലാ കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന 'ഏക സിവില്‍കോഡ് ' ശില്‍പശാല ഇന്ന് രാവിലെ 10 മുതല്‍ കല്‍പ്പറ്റ സമസ്ത ജില്ലാ കാര്യാലയത്തില്‍ നടക്കും.
സമസ്ത കേന്ദ്ര മുശാവറാംഗം വി മൂസക്കോയ മുസ്‌ലിയാര്‍ ഉദ്ഘാടനം ചെയ്യും. ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാവും. രാവിലെ 10ന് നടക്കുന്ന സെഷനില്‍ 'തബ്‌ലീഗ് ജമാഅത്ത് എന്ത് ' എന്ന വിഷയത്തില്‍ കെ.സി മമ്മുട്ടി മുസ്‌ലിയാര്‍ വെള്ളമുണ്ടയും ഉച്ചക്ക് രണ്ടിന് 'ബഹുസ്വരതയും ഏക സിവില്‍ കോഡും' എന്ന വിഷയത്തില്‍ അഡ്വ. ഓണംപള്ളി മുഹമ്മദ് ഫൈസിയും സംസാരിക്കും.
എസ് മുഹമ്മദ് ദാരിമി, എം.എം ഇമ്പിച്ചിക്കോയ മുസ്‌ലിയാര്‍, ആനമങ്ങാട് അബൂബക്കര്‍ മുസ്‌ലിയാര്‍, ടി.സി അലി മുസ്‌ലിയാര്‍ പങ്കെടുക്കും. പരിപാടിയില്‍ മഹല്ല് ഭാരവാഹികള്‍, ഖത്തീബുമാര്‍, സമസ്തയുടെയും കീഴ്ഘടങ്ങളുടെയും പ്രവര്‍ത്തകര്‍ തുടങ്ങിയവര്‍ പങ്കെടുക്കണമെന്ന് സമസ്ത ജില്ലാ കമ്മിറ്റി അറിയിച്ചു.
എക സിവില്‍കോഡിനെതിരേ മഹല്ലുകള്‍ കേന്ദ്രീകരിച്ച് ശേഖരിച്ച ഒപ്പുകളുടെ ഫോം പരിപാടിയില്‍ സമസ്ത നേതാക്കള്‍ ഏറ്റുവാങ്ങും.
മുഴുവന്‍ ഭാരവാഹികളും ഫോമുകള്‍ കൊണ്ടുവരാന്‍ ശ്രദ്ധിക്കണമെന്ന് നേതാക്കള്‍ അഭ്യര്‍ഥിച്ചു.