ഗൂഡല്ലൂര്‍: മുതുമലയില്‍ വനപാലകര്‍ക്ക് പരിശീലനം ആരംഭിച്ചു. കടുവാ സംരക്ഷണവുമായി ബന്ധപ്പെട്ടാണ് തെപ്പക്കാടില്‍ ദേശീയ ടൈഗര്‍ റിസര്‍വിന്റെ പരിശീലനം നടക്കുന്നത്. ഒരാഴ്ചക്കാലം നീണ്ടുനില്‍ക്കുന്ന പരിശീലനത്തില്‍ കര്‍ണാടക, ആന്ധ്ര, കേരളം, രാജസ്ഥാന്‍, ഒഡീഷ, ജാര്‍ഖണ്ഡ് തുടങ്ങിയ ഒമ്പത് സംസ്ഥാനങ്ങളില്‍ നിന്നുള്ള വനപാലകരാണ് പങ്കെടുക്കുന്നത്. ഈ മാസം 13ന് പരിശീലനം സമാപിക്കും. പരിപാടിയില്‍ ദേശീയ ടൈഗര്‍ റിസര്‍വ് ചെയര്‍മാന്‍ സോമശേഖരന്‍, മുതുമല കടുവാസംരക്ഷണ കേന്ദ്രം ഫീല്‍ഡ് ഡയറക്ടര്‍ ശ്രീനിവാസറെഡ്ഡി, രഘുറാം സിങ്, ശരവണന്‍ സംബന്ധിച്ചു. ഇന്ത്യയുടെ വിവിധ ഭാഗങ്ങളില്‍ വര്‍ഷാവര്‍ഷം ഇത്തരത്തില്‍ പരിശീലനം നടക്കാറുണ്ട്. കഴിഞ്ഞ വര്‍ഷം കര്‍ണാടകയിലെ ബന്ധിപ്പുരയിലായിരുന്നു പരിശീലനം.