അമേരിക്കയുടെ 45ാമത് പ്രസിഡന്റാരാണെന്ന് അറിയാന്‍ മണിക്കൂറുകള്‍ മാത്രം ബാക്കി നില്‍ക്കെ സര്‍വേ ഫലങ്ങള്‍ ഹിലരിക്ക് അനുകൂലം. ഹിലരിയ്ക്ക് ജയിക്കാന്‍ 90 ശതമാനം സാധ്യതകളെന്നാണ് പുതിയ സര്‍വേ ഫലം.

വാഷിങ്ടണ്‍ പോസ്റ്റും എ.ബി.സി.ന്യൂസും നടത്തിയ സര്‍വേയില്‍ ട്രംപിന് 43 ശതമാനം പിന്തുണയും ഹില്ലരിക്ക് 48 ശതമാനം പിന്തുണയും ലഭിച്ചു.

ഐ.എസും അല്‍ഖാഇദയും ഭീകരാക്രമണം നടത്തുമെന്ന് ഭീഷണി മുഴക്കിയ സാഹചര്യത്തില്‍ കനത്ത സുരക്ഷയിലാണ് ഇന്ന് വോട്ടെടുപ്പ് പുരോഗമിക്കുന്നത്. രാവിലെ മുതല്‍ 50 സംസ്ഥാനങ്ങളിലും തലസ്ഥാനമായ വാഷിങ്ടണിലും വോട്ടെടുപ്പ് നടക്കും. നാലു നഗരങ്ങളില്‍ അല്‍ഖാഇദ ആക്രമണം നടത്തുമെന്നും പോളിങ്‌സ്റ്റേഷനുകള്‍ ആക്രമിച്ച് വോട്ടര്‍മാരുടെ തലയറുക്കുമെന്ന് ഐ.എസും ഭീഷണിമുഴക്കിയിട്ടുണ്ട്. ഇന്ത്യന്‍ സമയം ഇന്ന് വൈകീട്ടാണ് തെരഞ്ഞെടുപ്പ് നടക്കുക. നാളെ രാവിലെ മുതല്‍ എക്‌സിറ്റ് പോള്‍ ഫലങ്ങള്‍ പുറത്തുവരും.