മലപ്പുറം: സെവന്‍സ് ഫുട്‌ബോള്‍ അസോസിയേഷന്‍ സംസ്ഥാന കമ്മിറ്റിയുടെ നേതൃത്വത്തില്‍ 2016-2017 വര്‍ഷത്തെ സെവന്‍സ് ഫുട്‌ബോള്‍ സീസണിന്റെ ആരംഭം കുറിച്ച് സംഘടിപ്പിക്കുന്ന ഫുട്‌ബോള്‍ ഫെസ്റ്റ് 2016 നവംബര്‍ 6 ന് മലപ്പുറം പ്രശാന്ത് ഹോട്ടല്‍ ഓഡിറ്റോറിയത്തില്‍ വെച്ച് മുന്‍ ഇന്റര്‍നാഷണല്‍ ഫുട്‌ബോള്‍ താരവും, തൃശ്ശൂര്‍ പോലീസ് അക്കാദമി അസിസ്റ്റന്റ് ഡയറക്ടര്‍ കമാന്റണ്ടുമായ യു. ഷറഫലി ഉല്‍ഘാടനം നിര്‍വഹിച്ചു. സെവന്‍സ് ഫുട്‌ബോള്‍ അസോസിയേഷന്‍ സംസ്ഥാന പ്രസിഡന്റ് കെ. എം ലെനിന്‍ അദ്ധ്യക്ഷത വഹിച്ചു.
സെവന്‍സ് ഫുട്‌ബോള്‍ അസോസിയേഷനില്‍ അംഗമായിട്ടുളള 36 ക്ലബുകളിലെ കളിക്കാര്‍ക്കുളള ഇന്‍ഷൂറന്‍സ് പരിരക്ഷ പദ്ധതിയുടെ ഉല്‍ഘാടനം മുന്‍ ഇന്ത്യന്‍ ഇന്റര്‍നാഷ്ണല്‍ ഫുട്‌ബോള്‍ താരം അബ്ദുള്‍ഹക്കിം നിര്‍വ്വഹിച്ചു.