ഹരിപ്പാട്: ചിങ്ങോലി ഗ്രാമ പഞ്ചായത് ആറാം വാര്‍ഡില്‍ പ്രവര്‍ത്തിക്കുന്ന അനശ്വര പുരുഷ സ്വയം സഹായ സംഘത്തിന്റെ നാലാമത് വാര്‍ഷികം സംഗമം ജംഗ്ഷനില്‍ ആഘോഷിച്ചു. ജില്ലാ പഞ്ചായത്ത് അംഗം ബബിത ജയന്‍ യോഗം ഉദ്ഘാടനം ചെയ്തു. സംഘം പ്രസിഡന്റ് ആര്‍ ശശിധരന്‍ അധ്യക്ഷനായി.ഗ്രാമ പഞ്ചായത്ത് പ്രസിഡന്റ് എച്ച്. നിയാസ് മുഖ്യപ്രഭാഷണം നടത്തി. ബ്ലോക്ക് പഞ്ചായത്ത് അംഗം രഞ്ജിത് ചിങ്ങോലി, ഗ്രാമപഞ്ചായത്തംഗങ്ങളായ സുശീല സോമരാജന്‍, അമ്പിളി ദേവി, കെ.പി പ്രസാദ്, സി.ഡി.എസ് ചെയര്‍പേഴ്‌സണ്‍ രത്‌നകുമാരി, ജെമിനി ഗണേശന്‍, രാജു ശശിധരന്‍ തുടങ്ങിയവര്‍ സംസാരിച്ചു.