കൊല്ലം: ശാസ്താംകോട്ട ഗ്രാമപഞ്ചായത്തില്‍ നാഷണല്‍ ആയുഷ് മിഷന്‍ അനുവദിച്ച ആയുഷ് ഹോളിസ്റ്റിക് സെന്ററിന്റെ ഉദ്ഘാടനം ആരോഗ്യവകുപ്പ് മന്ത്രി കെ. കെ. ശൈലജ നിര്‍വഹിച്ചു.
ആയൂര്‍വേദ വിഭാഗം കെ .സോമപ്രസാദ് എം.പിയും സിദ്ധ വിഭാഗം കോവൂര്‍ കുഞ്ഞുമോന്‍ എം .എല്‍ .എ യും ഫാര്‍മസി ജില്ലാ പഞ്ചായത്ത് വൈസ് പ്രസിഡന്റ് ശിവശങ്കരപ്പിള്ളയും പാലിയേറ്റീവ് രോഗികള്‍ക്കുള്ള പെന്‍ഷന്‍ ബ്ലോക്ക് പഞ്ചായത്ത് പ്രസിഡന്റ് സുമയും ഉദ്ഘാടനം ചെയ്തു.
ഗ്രാമ പഞ്ചായത്ത് പ്രസിഡന്റ് ടി .ആര്‍ .ശങ്കരപിള്ള അധ്യക്ഷനായി. വൈസ് പ്രസിഡന്റ് ടി. ആര്‍ .ബീന, വികസനകാര്യ സ്റ്റാന്റിങ് കമ്മിറ്റി ചെയര്‍മാന്‍ കൃഷ്ണകുമാര്‍, ഗ്രാമപഞ്ചായത്തംഗം ബിനോജ് തുടങ്ങിയവര്‍ പങ്കെടുത്തു. ഹോമിയോ ജില്ലാ മെഡിക്കല്‍ ഓഫിസര്‍ ഡോ .വി .കെ. പ്രിയദര്‍ശിനി സ്വാഗതവും ഡോ .സബിതാ വിജയന്‍ നന്ദിയും പറഞ്ഞു.