പാലക്കാട്: മുസ്‌ലിം യൂത്ത്‌ലീഗ് സംസ്ഥാന സമ്മേളനം വിളംബരം ചെയ്തുകൊണ്ട് ജില്ലാ മുസ്‌ലിം യൂത്ത്‌ലീഗ് കമ്മിറ്റി പാലക്കാട് നഗരത്തില്‍ യൂത്ത്ബാന്റ് നടത്തി. രാജ്യാഭിമാനം കാക്കുക, ആത്മാഭിമാനം ഉണര്‍ത്തുക എന്ന പ്രമേയമുയര്‍ത്തിപിടിച്ച് ഈമാസം 10, 11, 12 തീയതികളിലാണ് കോഴിക്കോട് സംസ്ഥാന സമ്മേളനം നടക്കുന്നത്.
ശാഖാതലം മുതല്‍ നടന്നുവരുന്ന വൈവിധ്യമാര്‍ന്ന പ്രചാരണപരിപാടികള്‍ക്ക് സമാപനം കുറിച്ചുകൊണ്ടാണ് ജില്ലാ കമ്മിറ്റി ഇന്നലെ വൈകിട്ട് യൂത്ത്ബാന്റ് സംഘടിപ്പിച്ചത്.
പുതുപ്പള്ളിത്തെരുവിലെ ജില്ലാ മുസ്‌ലിം ലീഗ് ഓഫിസ് പരിസരത്ത് നിന്ന് ആരംഭിച്ച് കെ.എസ്.ആര്‍.ടി.സി, മിഷന്‍ സ്‌കൂള്‍ റോഡ്, റോബിന്‍സണ്‍ റോഡ്, കോര്‍ട്ട്‌റോഡ് വഴി മൈതാനം ചുറ്റി കോട്ടയുടെ പ്രവേശനപരിസരത്ത് സമാപിച്ചു. സി.എ സാജിത്, ഗഫൂര്‍ കോല്‍ക്കളത്തില്‍, ഇക്ബാല്‍ പുതുനഗരം, ബി.എസ് മുസ്തഫ തങ്ങള്‍, ഫാറൂഖ് മാസ്റ്റര്‍, പി.കെ.എം മുസ്തഫ, സക്കരിയ കൊടുമുണ്ട, കെ.പി.എം സലീം, എ.എം അലി അസ്‌ക്കര്‍, മാടാല മുഹമ്മദലി നേതൃത്വം നല്‍കി. നേരത്തെ ലീഗ് ഓഫീസ് പരിസരത്ത് എം.എം ഹമീദ് ഫ്‌ളാഗ് ഓഫ് ചെയ്തു.