കൊല്ലം: നിയമസഭാ തെരഞ്ഞെടുപ്പിലെ ജില്ലയിലെ വോട്ടെണ്ണല്‍ ഒന്‍പത് കേന്ദ്രങ്ങളിലായി നടക്കും. നാളെ രാവിലെ എട്ടു മുതലാണ് വോട്ടെണ്ണല്‍. കരുനാഗപ്പള്ളി മണ്ഡലത്തിലെ വോട്ടെണ്ണല്‍ കരുനാഗപ്പള്ളി യു.പി.ജി എസിലും ചവറ മണ്ഡലത്തിലേത് കരുനാഗപ്പള്ളി ടൗണ്‍ എല്‍.പി.എസിലും നടക്കും.
കുന്നത്തൂര്‍ മണ്ഡലത്തിലേത് ശാസ്താംകോട്ട ഗവ. എച്ച്.എസ്.എസിലും കൊട്ടാരക്കര മണ്ഡലത്തിലേത് കൊട്ടാരക്കര ഗവ. ബോയ്‌സ് വി.എച്ച്.എസ്.എസിലും പത്തനാപുരം മണ്ഡലത്തിലേത് പത്തനാപുരം സെന്റ് സ്റ്റീഫന്‍സ് എച്ച്.എസ്.എസിലും പുനലൂര്‍ മണ്ഡലത്തിലേത് പുനലൂര്‍ ഗവ. എച്ച്.എസ്.എസിലും ചടയമംഗലം മണ്ഡലത്തിലേത് കൊട്ടാരക്കര ഗവ. വി.എച്ച്.എസ്.എസിലും കുണ്ടറ മണ്ഡലത്തിലേത് തേവള്ളി ഗവ. മോഡല്‍ ബോയ്‌സ് എച്ച്.എസ്.എസിലും കൊല്ലം, ഇരവിപുരം, ചാത്തന്നൂര്‍ എന്നീ മണ്ഡലങ്ങളിലേത് സെന്റ് അലോഷ്യസ് എച്ച്.എസ്.എസിലുമാണ് വോട്ടെണ്ണുന്നത്.