ലക്‌നോ:ഉത്തര്‍പ്രദേശിലെ ബറേയ്‌ലിയില്‍ 500, 1000 രൂപയുടെ കെട്ടുകള്‍ കത്തിച്ച നിലയില്‍ കണ്ടെത്തി. ഒരു ചാക്കിലായി കൊണ്ടുവന്ന നോട്ടുകളാണ് കത്തിച്ചതെന്ന് പൊലിസ് അറിയിച്ചു. ഈ പണം വ്യാജ കറന്‍സികളാണോയെന്ന് പരിശോധിക്കാനായി അവശിഷ്ടങ്ങള്‍ ശേഖരിച്ചിട്ടുണ്ടെന്നും പൊലിസ് പറഞ്ഞു.
ബറേയ്‌ലിയില്‍ ഒരു സ്ഥാപനത്തിലെ ജീവനക്കാരാണ് ചാക്കിലാക്കി ഇവ സി.ബി ഗഞ്ച് റോഡരികില്‍ കൊണ്ടിട്ട് കത്തിച്ചതെന്ന് ദൃക്‌സാക്ഷികള്‍ പൊലിസിന് മൊഴി നല്‍കിയിട്ടുണ്ട്. കീറിയ ചില നോട്ടുകളും ഇവിടെ നിന്ന് കണ്ടെടുത്തു. സംഭവത്തെക്കുറിച്ച് റിസര്‍വ് ബാങ്കിനെ വിവരമറിയിച്ചിട്ടുണ്ടെന്ന് പൊലിസ് അറിയിച്ചു.