ന്യൂഡല്‍ഹി: ഹ്യൂണ്ടായിയുടെ ഏറ്റവും ജനപ്രീതി നേടിയ എസ്.യു.വിയായ ക്രീറ്റയുടെ പുതിയ പതിപ്പ് അടുത്ത വര്‍ഷം പുറത്തിറങ്ങും. നിരവധി മാറ്റങ്ങളോടു കൂടിയാണ് പുതിയ പതിപ്പ് പുറത്തിറങ്ങുന്നത്. 2017 പകുതിയിലായിരിക്കും കാര്‍ ഇന്ത്യന്‍ വിപണിയിലിറങ്ങുക. പുതിയ പതിപ്പ് ഈ വര്‍ഷം തന്നെ ബ്രസീലില്‍ പുറത്തിറങ്ങും. റെനോ ഡസ്റ്റര്‍, നിസാന്‍ ടെറാനോ എന്നിവയോട് മാറ്റുരച്ച് 2015ലാണ് ഹ്യൂണ്ടായ് ക്രീറ്റ ഇന്ത്യയില്‍ അവതരിപ്പിക്കുന്നത്. അന്നു തന്നെ ബ്രസിലിലും ക്രീറ്റ പുറത്തിറക്കിയിരുന്നു. മികച്ച പ്രതികരണമാണ് ക്രീറ്റയ്ക്ക് ലഭിച്ചിരുന്നത്. 10.39 ലക്ഷം രൂപയാണ് ക്രീറ്റയുടെ ഡല്‍ഹിയിലെ ഷോറൂം വില. രൂപത്തിലും എന്‍ജിനിലും ഒട്ടേറെ മാറ്റങ്ങളുമായാകും ക്രീറ്റ പുറത്തിറങ്ങുക.