കരിമണ്ണൂര്‍: തൊടുപുഴ ഉപജില്ല ശാസ്ത്ര, ഗണിതശാസ്ത്ര, സാമൂഹ്യശാസ്ത്ര, പ്രവര്‍ത്തിപരിചയ മേളയ്ക്കു കരിമണ്ണൂര്‍ സെന്റ് ജോസഫ്‌സ് ഹയര്‍ സെക്കന്ററി സ്‌കൂളില്‍ തുടക്കമായി.
രണ്ടു ദിവസം നീണ്ടുനില്‍ക്കുന്ന മേളയുടെ പ്രവര്‍ത്തിപരിചയ മത്സരങ്ങളാണ് ആദ്യദിനം നടന്നത്. കരിമണ്ണൂര്‍ പഞ്ചായത്ത് പ്രസിഡന്റ് ടോജോ പോള്‍ അധ്യക്ഷതയില്‍ ഇടുക്കി ജില്ലാ പഞ്ചായത്ത് അംഗം മനോജ് തങ്കപ്പന്‍ മേള ഉദ്ഘാടനം ചെയ്തു. ഹെഡ്മാസ്റ്റര്‍ ഫോറം സെക്രട്ടറി റ്റി.എം. ഏലിയാസ് മത്സരനടത്തിപ്പിന്റെ വിശദീകരണം നല്കി.
കരിമണ്ണൂര്‍ പഞ്ചായത്തംഗം ഡി. ദേവസ്യ, കരിമണ്ണൂര്‍ സെന്റ് ജോസഫ്‌സ് ഹയര്‍ സെക്കന്ററി സ്‌കൂള്‍ അസിസ്റ്റന്റ് മാനേജര്‍ ഫാ. സെബാസ്റ്റ്യന്‍ പോത്തനാമൂഴി, എഇഓ പ്രതിനിധി ബിജു ജോര്‍ജ്, പി.റ്റി.എ വൈസ് പ്രസിഡന്റ് പി.കെ. മധുസൂദനന്‍ എന്നിവര്‍ ആശംസകള്‍ അര്‍പ്പിച്ചു. പ്രിന്‍സിപ്പല്‍ മാത്യു സ്റ്റീഫന്‍ സ്വാഗതവും, ഹെഡ്മാസ്റ്റര്‍ ജോയിക്കുട്ടി ജോസഫ് നന്ദിയും പറഞ്ഞു. ഇന്ന് ശാസ്ത്ര, ഗണിതശാസ്ത്ര, സാമൂഹ്യശാസ്ത്ര മേളകള്‍ നടക്കും. വൈകുന്നേരം നടക്കുന്ന സമാപന സമ്മേളനത്തില്‍ കരിമണ്ണൂര്‍ പഞ്ചായത്ത് വൈസ് പ്രസിഡന്റ് ആന്‍സി സ്‌റിയക് മത്സര വിജയികള്‍ക്ക് സമ്മാനങ്ങള്‍ വിതരണം ചെയ്യുമെന്ന് പബ്ലിസിറ്റി കണ്‍വീനര്‍ ജയ്‌സണ്‍ ജോസ് അറിയിച്ചു.