തിരുവനന്തപുരം: ധര്‍മ്മടത്ത് കള്ളവോട്ടു നടന്നതിന്റെ ദൃശ്യങ്ങള്‍ ജനാധിപത്യ കേരളത്തെ ഞെട്ടിച്ചുവെന്ന് മുഖ്യമന്ത്രി ഉമ്മന്‍ ചാണ്ടി. ദൃശ്യങ്ങള്‍ വന്നതോടെ കള്ളവോട്ട് നിഷേധിക്കാനാവാത്ത സ്ഥിതിയിലാണ് സി.പി.എം. അക്രമത്തിലൂടെയും കള്ളവോട്ടിലൂടെയുമാണ് സിപിഎം പാര്‍ട്ടിഗ്രാമങ്ങള്‍ നിലനിര്‍ത്തുന്നത്. വോട്ടര്‍മാരെയും ഉദ്യോഗസ്ഥരെയും ഭീഷണിപ്പെടുത്തിയാണ് തെരഞ്ഞെടുപ്പുകളില്‍ വിജയം നേടുന്നതെന്നും മുഖ്യമന്ത്രി വാര്‍ത്താകുറിപ്പില്‍ പറഞ്ഞു.