പയ്യോളി: തൃക്കോട്ടൂര്‍ യു.പി സ്‌കൂളിന് മേലടി ഉപജില്ലയില്‍ ഈ വര്‍ഷം ആറ് ഓവറോള്‍ ചാംപ്യന്‍ഷിപ്പ്. 2016-17ലെ എല്ലാ മേളകളിലും സ്‌കൂള്‍ ഉയര്‍ന്ന പോയിന്റോടെ വിജയിച്ചു.
ശാസ്ത്രമേള, ഗണിത ശാസ്ത്രമേള, സാമൂഹ്യ ശാസ്ത്രമേള, തിക്കോടി പഞ്ചായത്ത് കായികമേള, പ്രവൃത്തിപരിചയ മേള എന്നിവയില്‍ ഓവറോള്‍ ചാംപ്യന്‍ഷിപ്പും ഐ.ടി മേളയില്‍ രണ്ടാം സ്ഥാനവും നേടി.
പ്രസിഡന്റ് ബിജു കളത്തിലിന്റെ അധ്യക്ഷതയില്‍ ചേര്‍ന്ന യോഗം പ്രത്യേക അഭിനന്ദനം അറിയിച്ചു. പ്രധാനാധ്യാപകന്‍ എം. രവീന്ദ്രന്‍, പി.കെ ബാലചന്ദ്രന്‍, പി. ഹനീഷ്, ടി. ഖാലിദ്, ടി. ജ്യോതിഷ്, വി.പി സുധീര്‍ പ്രസംഗിച്ചു.