മാഹി: പുതുച്ചേരി ഗവര്‍ണര്‍ ഡോ. കിരണ്‍ ബേദി ഒരുദിവസത്തെ സന്ദര്‍ശനത്തിനു ഇന്നു മാഹിയില്‍ എത്തും. രാവിലെ ഗവര്‍ണര്‍ വിവിധ പരിപാടിയില്‍ പങ്കെടുത്ത ശേഷം വൈകുന്നേരം തിരിച്ചുപോകും. സന്ദര്‍ശനത്തിനോടനുബന്ധിച്ച് വൈകുന്നേരം 3.30ന് മാഹി സിവില്‍ സ്‌റ്റേഷന്‍ ഓഡിറ്റോറിയത്തിലും 4.45ന് പള്ളൂര്‍ എ.വി.എസ് ഹാളിലും പൊതുജനസമ്പര്‍ക്ക പരിപാടി നടത്തും. പരിപാടിയില്‍ ജനങ്ങളുടെ ആവശ്യങ്ങളും പരാതികളും ഗവര്‍ണറുടെ മുമ്പാകെ ബോധിപ്പിക്കാം.