പയ്യന്നൂര്‍: വൈവിദ്യങ്ങളുടെ കലവറയൊരുക്കി പയ്യന്നൂരില്‍ ജില്ലാ ശാസ്‌ത്രോത്സവത്തിനു തുടക്കം. കൈവേലയും കൈപുണ്യവും സമന്വയിച്ച മേളയില്‍ ശാസ്ത്രത്തിലും ഗണിതത്തിലും രാവിലെ മുതല്‍ കൗമാര സൃഷ്ടികള്‍ പിറവിയെടുത്തു. ജില്ലയില്‍ ആദ്യമായി തത്സമയ ഫലപ്രഖ്യാപനം നടത്തിയതും മേളയെ വേറിട്ടതാക്കി. പയ്യന്നൂര്‍ ബോയ്‌സ് ഹയര്‍സെക്കന്‍ഡറി സ്‌കൂള്‍, ബി.ഇ.എം.എല്‍.പി സ്‌കൂള്‍, ഗവ. ഗേള്‍സ് ഹൈസ്‌കൂള്‍, സെന്റ് മേരീസ് ഗേള്‍സ് ഹൈസ്‌കൂള്‍, കണ്ടങ്കാളി ഷേണായി സ്മാരക ഹയര്‍ സെക്കന്‍ഡറി സ്‌കൂള്‍ എന്നിവിടങ്ങളിലായാണു മത്സരങ്ങള്‍ നടന്നത്. മേളയില്‍ നിന്നു തെരഞ്ഞെടുക്കുന്ന ആദ്യ രണ്ടു സ്ഥാനക്കാര്‍ പാലക്കാട് നടക്കുന്ന സംസ്ഥാന ശാസ്ത്രമേളയില്‍ പങ്കെടുക്കും.
മേള സി കൃഷ്ണന്‍ എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍മാന്‍ ശശി വട്ടക്കൊവ്വല്‍ അധ്യക്ഷനായി. ഡി.ഡി.ഇ എം ബാബുരാജന്‍, കെ.പി ജയബാലന്‍, വി ബാലന്‍, പി.വി കുഞ്ഞപ്പന്‍, എം സഞ്ജീവന്‍, എ രാമദാസന്‍, എം ശ്രീജ, എ ജയചന്ദ്രന്‍ സംസാരിച്ചു. ഇന്നു വൈകുന്നേരം സമാപന സമ്മേളനം ടി.വി രാജേഷ് എം.എല്‍.എ ഉദ്ഘാടനം ചെയ്യും. വൈസ് ചെയര്‍മാന്‍ കെ.പി ജ്യോതി അധ്യക്ഷയാവും