തൂത: ദാറുല്‍ ഉലൂം ഇസ്‌ലാമിക് ആന്‍ഡ് ആര്‍ട്‌സ് കോളജ് (വാഫി കോളജ്) പൂര്‍വ വിദ്യാര്‍ഥി (ദഅ്‌വ) സംഗമം നാളെ രാവിലെ 10ന് കോളജില്‍ നടക്കും. അലി ഫൈസി പാറല്‍ ഉദ്ഘാടനം ചെയ്യും ഹകീം ഫൈസി ആദൃശേരി മുഖ്യപ്രഭാഷണം നടത്തും. കുഞ്ഞീതു ഹാജി, ഖാദര്‍ ഹാജി സംബന്ദിക്കും. കോളജിലെ എല്ലാ പൂര്‍വ വിദ്യാര്‍ഥികള്‍ പങ്കെടുക്കണമെന്ന് സെക്രട്ടറി ഫൈസല്‍ വാഫി ഒറ്റപ്പാലം അറിയിച്ചു.

എസ്.കെ.എസ്.ബി.വി ജില്ലാ കൗണ്‍സില്‍ മീറ്റ് നാളെ ചെര്‍പ്പുളശ്ശേരിയില്‍

പാലക്കാട്: സമസ്ത കേരള സുന്നീ ബാലവേദി ജില്ലാ കമ്മിറ്റിയുടെ 2016-18 വര്‍ഷത്തെക്കുള്ള ഭാരവാഹികളെ തിരഞ്ഞെടുക്കുന്നതിനുള്ള കൗണ്‍സില്‍ മീറ്റ് നാളെ ഉച്ചക്ക് രണ്ടിന് ചെര്‍പ്പുളശ്ശേരി സമസ്ത ജില്ലാ കാര്യാലയത്തില്‍ നടക്കും.
റെയ്ഞ്ചുകളില്‍ നിന്ന് തിരഞ്ഞെടുക്കപ്പെട്ട ചെയര്‍മാന്‍, കണ്‍വീനര്‍ പ്രസിഡന്റ്, ജനറല്‍ സെക്രട്ടറി, ട്രഷറര്‍, ജില്ലാ പ്രതിനിധി കൗണ്‍സില്‍ മീറ്റില്‍ പങ്കെടുക്കും. ജില്ലാ ജംഇയ്യത്തുല്‍ മുഅല്ലിമീന്‍ ജനറല്‍ സെക്രട്ടറി സി. മുഹമ്മദലി ഫൈസി കോട്ടോപ്പാടം ഉദ്ഘാടനം ചെയ്യും. എസ്.കെ.എസ്.ബി.വി ജില്ലാ പ്രസിഡന്റ് അനസ് മാരായമംഗലം അധ്യക്ഷനാകും.
എസ്.കെ.എസ്.ബി.വി സംസ്ഥാന ജനറല്‍ സെക്രട്ടറി ശഫീഖ് മണ്ണഞ്ചേരി തിരഞ്ഞെടുപ്പ് നിയന്ത്രിക്കും. എസ്.കെ.എസ്.എസ്.എഫ് ജില്ലാ സെക്രട്ടറി കുഞ്ഞിമുഹമ്മദ് ഫൈസി, ജില്ലാ ചെയര്‍മാന്‍ ഉബൈദ് അന്‍വരി ഓങ്ങല്ലൂര്‍, കണ്‍വീനര്‍ സലാം അഷ്‌റഫി പള്ളിപ്പുറം, മുനാഫര്‍ ഒറ്റപ്പാലം, അജ്മല്‍ ബീവിപ്പടി, ഫര്‍ഹാന്‍ നെല്ലായ, മുബശ്ശിര്‍ ചുങ്കത്ത്, മുഹ്‌സിന്‍ മഠത്തിപ്പറമ്പ് സംസാരിക്കും. ജില്ലാ ജനറല്‍ സെക്രട്ടറി മനാഫ് കേട്ടോപ്പാടം സ്വാഗതവും റഹീം കുമരനെല്ലൂര്‍ നന്ദിയും പറയും.