ലഖ്‌നോ: ഇന്തോ-നേപ്പാള്‍ അതിര്‍ത്തിയില്‍ നാല് പാക് പൗരന്മാര്‍ അറസ്റ്റില്‍. ദമ്പതികള്‍ ഉള്‍പ്പെടെയുള്ളവരാണ് പിടിയിലായത്.   ഉത്തര്‍പ്രദേശിലെ ബഹ്‌റൈച്ച് ജില്ലയിലെ രുപൈധ ഗ്രാമത്തിലൂടെ അനധികൃതമായി രാജ്യത്തേക്ക് കടക്കാന്‍ ശ്രമിച്ചവരെയാണ് സീമ സുരക്ഷ ബാല്‍ സൈനികര്‍ പിടികൂടിയത്.
ഇവരുടെ കൈവശം ആവശ്യമായ രേഖകള്‍ ഒന്നുമില്ലായിരുന്നെന്ന് അധികൃതര്‍ വ്യക്തമാക്കി.
പാകിസ്താന്‍ പാസ്‌പോര്‍ട്ട് ഉണ്ടെന്നും നേപ്പാളി വിസയില്‍ കാഠ്മണ്ഡുവിലെത്തിയ ശേഷം ഇവര്‍ ഇന്ത്യയിലേക്ക് കടക്കാന്‍ ശ്രമിക്കുകയായിരുന്നുവെന്നും അധികൃതര്‍ പറഞ്ഞു.