തൊടുപുഴ: ദേശീയ ഭക്ഷ്യഭദ്രതാ നിയമപ്രകാരം പ്രസിദ്ധീകരിച്ച കരട് മുന്‍ഗണനമുന്‍ഗണന ഇതര പട്ടികയില്‍ ലഭിച്ച പരാതി ആക്ഷേപങ്ങളിലുള്ള ഹിയറിങ് തീയതിയില്‍ മാറ്റം വരുത്തിയതായി തൊടുപുഴ താലൂക്ക് സപ്ലൈ ഓഫീസര്‍ അറിയിച്ചു.
നവംബര്‍ 11ന് തെളിവെടുപ്പിന് ഹാജരാകാന്‍ കൈപ്പറ്റ് രസീത് ലഭിച്ചിട്ടുള്ള വണ്ണപ്പുറം പഞ്ചായത്തിലെ അപേക്ഷകര്‍ 24നും 17ന് കൈപ്പറ്റ് രസീത് വാങ്ങിയ കുമാരമംഗലം പഞ്ചായത്തിലെ അപേക്ഷകര്‍ 19നും അതാത് പഞ്ചായത്ത് ഹാളുകളില്‍ തെളിവെടുപ്പിന് എത്തണം.
പഞ്ചായത്ത് സെക്രട്ടറി വില്ലേജ് ഓഫിസര്‍ ഐ.സി.ഡി.എസ് സൂപ്പര്‍വൈസര്‍, റേഷനിങ് ഇന്‍സ്‌പെക്ടര്‍ എന്നിവരടങുന്ന പരിശോധനാ സമിതിയാണ് തെളിവെടുപ്പ് നടത്തുന്നത്. ബന്ധപ്പെട്ട രേഖകളും കൈപ്പറ്റ് രസീതുമായി രാവിലെ 10ന് ഹാജരാകണം.