ഈരാറ്റുപേട്ട: മുസ് ലിം ഗേള്‍സ് ഹയര്‍ സെക്കന്‍ഡറി സ്‌കൂളിലെ പരിസ്ഥിതി കൂട്ടായ്മയായ സാഫ് അംഗങ്ങള്‍ക്കായി സംസ്ഥാന വനം വകുപ്പ് പ്രകൃതി പഠന ക്യാംപ് സംഘടിപ്പിച്ചു.
ഇടുക്കി വെള്ളാപ്പാറയിലുള്ള വന്യജീവി സങ്കേതത്തിലായിരുന്നു ക്യാംപ് ഇതിന്റെ ഭാഗമായി പഠന ക്ലാസുകള്‍ സ്ലൈഡ് ഷോ, ഡാം സന്ദര്‍ശനം വനത്തിലൂടെയുള്ള 12 കിലോമീറ്റര്‍ ട്രക്കിംഗ്, സംസ്‌കാരിക സദസ്, എന്നിവ നടന്നു.
പരിപാടികള്‍ക്കു ഫോറസ്റ്റ് ഓഫിസര്‍മാരായ കെ.ആര്‍ സന്തോഷ് കുമാര്‍, ബിനു, ശ്രീകുമാര്‍ എന്നിവര്‍ നേതൃത്വം നല്‍കി. അധ്യപകരായ എം.എഫ് അബ്ദുല്‍ ഖാദര്‍ ,മുഹമ്മദ് ലൈസല്‍, അന്‍സാര്‍ അലി, സി.എച്ച് മാഹിന്‍, അന്‍ഷിന്‍ജബ്ബാര്‍, ശ്രീദേവി വി.എന്‍ എന്നിവരും 30 വിദ്യാര്‍ഥികള്‍ക്കൊപ്പം ക്യാംപില്‍ പങ്കാളികളായി.