പുത്തനത്താണി: കറന്‍സി മാറാനെത്തിയവരുടെ തള്ളിക്കയറ്റം മൂലം ബാങ്കിന്റെ ഗ്ലാസ് ഡോര്‍ തകര്‍ന്നു വീണ് ഒരാള്‍ക്കു പരുക്കേറ്റു.  രാവിലെ 11ന് പുത്തനത്താണിയിലെ എസ്.ബി.ടി ബ്രാഞ്ചിലാണ് സംഭവം. വരിനില്‍കുന്നവരില്‍ കുറച്ചു പേരെ ഹോം ഗാര്‍ഡിന്റെ സഹായത്തോടെ ബാങ്കിന്റെ അകത്തേക്കു കടത്തി വിടുകയും ഡോര്‍ ലോക്ക് ചെയ്യലുമായിരുന്നു പതിവ്. ഇതിനിടയില്‍ അക്ഷമരായ ജനങ്ങള്‍ ഡോര്‍ തുറന്ന ഉടനെ കൂട്ടത്തോടെ ബാങ്കിലേക്കു തള്ളി കയറിയതോടെ ഗ്ലാസ് ഡോര്‍ തകര്‍ന്നുവീണു. ഗ്ലാസ് കാലില്‍ തട്ടി ഒരാള്‍ക്ക് പരുക്കേറ്റു. കാടാമ്പുഴ സ്റ്റേഷനില്‍ നിന്നും എ.എസ്.ഐ ശശിയുടെ നേതൃത്വത്തിലെത്തിയ പൊലിസ് ബാങ്കിന്റെ ഷട്ടര്‍ തുറന്ന് കുറച്ചു പേരെ അകത്തേക്കു കയറ്റി വിടുന്ന രീതിയിലേക്ക് മാറ്റി.