തൃശൂര്‍: ഗുരുവായൂര്‍ ഏകാദശിയോടനുബന്ധിച്ച് പൈതൃകം ഗുരുവായൂര്‍ നല്‍കിവരുന്ന 'കര്‍മ്മശ്രേഷ്ഠ' അവാര്‍ഡിന് തിരുവിതാംകൂര്‍ രാജകുടുംബാംഗം അശ്വതിതിരുനാള്‍ ഗൗരിലക്ഷ്മിഭായി അര്‍ഹയായി. 10,001 രൂപയും പൊന്നാടയും പ്രശസ്തിപത്രവും ഉപഹാരവും അടങ്ങുന്നതാണ് അവാര്‍ഡ്.
ഡിസംബര്‍ 10 ന് രാവിലെ ഒമ്പതിന് ഗുരുവായൂര്‍ ടൗണ്‍ഹാളില്‍ നടക്കുന്ന സാംസ്‌കാരിക സമ്മേളനത്തില്‍ ഐ.എസ്.ആര്‍.ഒ മുന്‍ ചെയര്‍മാന്‍ കെ.രാധാകൃഷ്ണന്‍, സ്വാമി ഉദിത് ചൈതന്യ എന്നിവര്‍ ചേര്‍ന്ന് പുരസ്‌കാര സമര്‍പ്പണം നടത്തുമെന്ന് ഭാരവാഹികളായ അഡ്വ. രവി ചങ്കത്ത്, കെ.കെ ശ്രീനിവാസന്‍, സുഗതന്‍, കെ.കെ വേലായുധന്‍, ആലക്കല്‍ രാധാകൃഷ്ണന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.