അടിമാലി: ശിശുദിനത്തോടനുബന്ധിച്ച് കെ.എല്‍.എം ഫൗണ്ടേഷന്റെ ആഭിമുഖ്യത്തില്‍ 15 വയസില്‍ താഴെയുള്ള കുട്ടികള്‍ക്കായി ചിത്രരചനാ മത്സരം നടത്തി. 200-ഓളം കുട്ടികള്‍ പങ്കെടുത്തു. വ്യാപാരി വ്യവസായി ഏകോപന സമിതി ജില്ലാ വര്‍ക്കിങ് പ്രസിഡന്റ് കെ.എന്‍ ദിവാകരന്‍ അധ്യക്ഷനായി. ജില്ലാ പഞ്ചായത്തംഗം ഇന്‍ഫന്റ് തോമസ് ഉദ്ഘാടനം നിര്‍വഹിച്ചു. ബ്ലോക്ക് പഞ്ചായത്തംഗം ഉഷ സദാനന്ദന്‍ വിജയികള്‍ക്കുള്ള അവാര്‍ഡുകള്‍ വിതരണം ചെയ്തു.
കെ.എല്‍.എം ഗ്രൂപ്പ് ലീഗല്‍ ഓഫിസര്‍ ലത്തീഫ് കുഞ്ചാട്ട്, ശാഖാ മാനേജര്‍ ജിജി ബിജു, ജോബി പോള്‍, ഷൈജു എന്നിവര്‍ സംസാരിച്ചു.