തൊടുപുഴ: സിഡിറ്റ് നടപ്പിലാക്കുന്ന സൈബര്‍ശ്രീയില്‍ അഡ്വാന്‍സ്ഡ് നെറ്റ്‌വര്‍ക്കിങ്, വിഷ്വല്‍ ഇഫക്ട് ആന്റ് ത്രീഡി അനിമേഷന്‍ എന്നീ പരിശീലനങ്ങള്‍ക്ക് ഏതാനും ഒഴികളുണ്ട്. പട്ടികജാതി വിഭാഗത്തില്‍പ്പെട്ടവര്‍ക്ക് പങ്കെടുക്കാം. ഐ.ടി, ഇലക്‌ട്രോണിക്‌സ്, കംപ്യൂട്ടര്‍ സയന്‍സ്, ഇലക്ട്രിക്കല്‍, ഇന്‍സ്ട്രമെന്റേഷന്‍ എന്നിവയില്‍ ബി.ടെക് ഡിപ്ലോമ പാസായവര്‍ക്കും മറ്റ് ബിരുദമുള്ളവര്‍ക്കും അഡ്വാന്‍സ്ഡ് നെറ്റ്‌വര്‍ക്കിംഗ് പരിശീലനത്തിനും, ഏതെങ്കിലും വിഷയത്തില്‍ ബിരുദമുള്ളവര്‍ക്കും, ബി.എഫ്.എ പാസായവര്‍ക്കും വിഷ്വല്‍ ഇഫക്ട് ആന്റ് ത്രീഡി അനിമേഷന്‍ പരിശീലനത്തിനും പങ്കെടുക്കാം. അഡ്വാന്‍സ്ഡ് നെറ്റ്‌വര്‍ക്കിങ് ടെക്‌നോളജീസ് കോഴ്‌സിന് 4500 രൂപയും, വിഷ്വല്‍ ഇഫക്ട് ആന്റ് ത്രീഡി അനിമേഷന്‍ കോഴ്‌സിന് 4000 രൂപയും പ്രതിമാസം സ്‌റ്റൈപന്റ് ലഭിക്കും. പരിശീലന കാലാവധി ആറ് മാസം. താല്‍പര്യമുള്ളവര്‍ വിദ്യാഭ്യാസ യോഗ്യത, വയസ്, ജാതി എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ ശരിപ്പകര്‍പ്പ് സഹിതം 18ന് മുമ്പായി സൈബര്‍ശ്രീ, സിഡിറ്റ്, പൂര്‍ണ്ണിമ, ടി.സി.812964 ഹോസ്പിറ്റല്‍ റോഡ്, തൈക്കാട് പി.ഒ, തിരുവനന്തപുരം 695014 എന്ന വിലാസത്തില്‍ എത്തണം. ഫോണ്‍ 04712323949.

സി.പി.എം പ്രകടനം നടത്തി
തൊടുപുഴ: നോട്ട ്പ്രതിസന്ധിയില്‍ പ്രതിഷേധിച്ച് സി.പി.എം നേതൃത്വത്തില്‍ പ്രതിഷേധ പ്രകടനവും യോഗവും നടത്തി. വൈകിട്ട് തൊടുപുഴ-പാലാ റോഡിലെ ഏരിയ കമ്മിറ്റി ഓഫിസ് പരിസത്തു നിന്ന് പ്രകടനം ആരംഭിച്ചു. തുടര്‍ന്ന് ഗാന്ധി സ്‌ക്വയറില്‍ ചേര്‍ന്ന യോഗം പാര്‍ടി സംസ്ഥാന കമ്മിറ്റിയംഗം കെ. പി മേരി ഉദ്ഘാടനം ചെയ്തു. ഏരിയ സെക്രട്ടറി ടി.ആര്‍ സോമന്‍, പി.എം നാരായണന്‍, പി.കെ സുകുമാരന്‍, ജേക്കബ ്മാത്യു എന്നിവര്‍ സംസാരിച്ചു.