മുഹമ്മദ് കന്‍സ്

പട്ടാമ്പി ജെ.ന്‍.യുവിലെ വിപ്ലവക്കാരി മുഹമ്മദ് മുഹ്‌സിന് പത്തരമാറ്റ് വിജയം. സിറ്റിങ് എം.എല്‍.എയായ സി.പി മുഹമ്മദിനെ 7404 വോട്ടുകള്‍ക്ക് പിന്നിലാക്കിയാണ് മുഹ്‌സിന്‍ വിജയകൊടി പാറിപ്പിച്ചത്. കഴിഞ്ഞ 15 വര്‍ഷമായി യു.ഡി.എഫിനൊപ്പം നിലകൊണ്ട പട്ടാമ്പി യുവശക്തിയായ മുഹ്‌സിനിലൂടെ എല്‍.ഡി.എഫ് തിരിച്ച് പിടിക്കുകയായിരുന്നു. ഗവേഷണ വിദ്യാര്‍ഥിയായ മുഹമ്മദ് മുഹ്‌സിന്‍ എ.ഐ.എസ്.എഫ് ജെ.എന്‍.യു യൂനിറ്റ് വൈസ് പ്രസിഡന്റാണ്.കൂടാതെ അട്ടപ്പാടി ആദിവാസിപ്രശ്‌നങ്ങള്‍ പഠിക്കാന്‍ കേന്ദ്രസര്‍ക്കാര്‍ നിയോഗിച്ച സംഘത്തിലെ അംഗം കൂടിയാണ് മുഹമ്മദ് മുഹ്‌സിന്‍. കാലിക്കറ്റ്‌ സര്‍വകലാശാലയുടെ കീഴിലുള്ള മഞ്ചേരിയിലെ എച്ച്.എം കോളജില്‍ നിന്ന് ബി.എസ്.സി ഇലക്ട്രാണിക്‌സും എം.എസ്.ഡബ്ലും കഴിഞ്ഞാണ് ജെ.എന്‍.യുവില്‍ എത്തിച്ചേരുന്നത്.

ഇത്തവണ ചെറുപ്പക്കാരനെ സ്ഥാനാര്‍ഥിയാക്കണമെന്ന അഭിപ്രായത്തില്‍ നിന്നാണ് മുഹ്‌സിന് നറുക്ക് വീണത്. ജെ.എന്‍.യുവിലെ സഹപ്രവര്‍ത്തകനും, സുഹൃത്തുമായ കനയ്യകുമാര്‍ പ്രചാരണത്തിനെത്തിയത് മത്സരം ദേശീയതലത്തില്‍ ശ്രദ്ധയാകര്‍ഷിച്ചിരുന്നു. .1957ല്‍ രൂപീകൃതമായ മണ്ഡലത്തില്‍ നടന്ന 14 തെരഞ്ഞടുപ്പില്‍ ഒമ്പതിലും ഇടതുപക്ഷമായിരുന്നു വിജയിച്ചത്. ഇതില്‍ ആറു തവണ സി.പി.ഐലൂടെയായിരുന്നു നിള ചുവന്നത്. 57ല്‍ ഇ.പി ഗോപാലനും 60ല്‍ ഇ.എം.എസും വിജയിച്ചു.1964ല്‍ കമ്യൂണിസ്റ്റ് പാര്‍ട്ടി വിഭജന ശേഷം ഇ.എം.എസ് മൂന്നു തവണ സി.പി.ഐ.എമ്മിനു വേണ്ടി മത്സരിച്ച് ജയിച്ചു.ശേഷം 1977ല്‍ മുതല്‍ സി.പി.ഐ വീണ്ടും മണ്ഡലം തിരിച്ച് പിടിച്ചു.

കഴിഞ്ഞ നിയമസഭാ തെരഞ്ഞടുപ്പില്‍ യു.ഡി.എഫിലെ സി.പി മുഹമ്മദ് 12,475 വോട്ടിനാണ് വിജയിച്ചത്. പട്ടാമ്പി നഗരസഭ,കൊപ്പം,കുലുക്കല്ലൂര്‍,മുതുതല, ഓങ്ങല്ലൂര്‍, തിരുവേഗപ്പുറ,വല്ലപ്പുഴ വിളയൂര്‍ എന്നീ പഞ്ചായത്തുകള്‍ ഉള്‍പ്പെടുന്നതാണ് പട്ടാമ്പി നിയമസഭാ മണ്ഡലം.

ആര്‍ഭാടപൂര്‍വ്വമുള്ള അമിതമായ ആഘോഷങ്ങളും അത്്് പോലെ വ്യക്തിഹത്യകള്‍ രാഷ്ട്രീയത്തിന് ചേര്‍ന്നതല്ലെന്നും അത് കൊണ്ട്്് അത്തരം കാര്യങ്ങളില്‍ നിന്ന്്് മാറിനില്‍ക്കണമെന്ന്്് നിര്‍ദിഷ്ട പട്ടാമ്പി എം.എല്‍.എ മുഹമ്മദ് മുഹ്‌സിന്‍ വിജയത്തില്‍ കൃതജ്ഞത രേഖപ്പെടുത്തിയ വീഡിയോ സന്ദേശത്തില്‍ പറഞ്ഞു.