വള്ളിക്കുന്ന്: ഒലിപ്രം കടവില്‍ അനധികൃത മണലെടുപ്പ് വ്യാപകമായതിനെ തുടര്‍ന്ന് കര ഇടിയുന്നു. പുഴയുടെ കര ഇടിയുന്നതോടെ നിരവധി തെങ്ങുകളാണ് കടപുഴകുന്നത്. ഇതിനെ തുടര്‍ന്ന് നിരവധി വീടുകള്‍ക്കും കേട് പാടുകള്‍ സംഭവിച്ചിട്ടുണ്ട്. പ്രദേശവാസികളുടെ പ്രതിഷേധത്തെ തുടര്‍ന്ന് ദിവസങ്ങള്‍ക്ക് മുമ്പ് നാട്ടുകാര്‍ ആക്ഷന്‍ കമ്മിറ്റി രൂപീകരിക്കുകയും അധികൃതര്‍ക്ക് പരാതി നല്‍കാനും തീരുമാനിച്ചിരുന്നു.