മലപ്പുറം: മലപ്പുറത്തിന്റെ വിജയം ജില്ലയില്‍ ഒതുങ്ങുന്നില്ല. ജില്ലക്കു പുറത്ത് മത്സരിച്ച ആറുസ്ഥാനാര്‍ഥികളില്‍ രണ്ടുപേരാണ് മറ്റുജില്ലകളില്‍ വിജയം കൊയ്തത്. പാലക്കാട് ജില്ലയിലെ മണ്ണാര്‍ക്കാട് മണ്ഡലത്തില്‍ മത്സരിച്ച അഡ്വ.എന്‍ ശംസുദ്ദീന്‍, എറണാകുളം ജില്ലയിലെ തൃപ്പൂണിത്തുറയില്‍ മത്സരിച്ച എം.സ്വരാജ് എന്നിവരാണു ജില്ലക്കു പുറത്തു വിജയം കൊയ്തത്. സി.പി.ഐ ജില്ലാ സെക്രട്ടറി കെ.പി സുരേഷ് രാജിനെ 12325 വോട്ടുകള്‍ക്കാണ് ശംസുദ്ദീന്‍ പരാജയപ്പെടുത്തിയത്്.
നിലമ്പൂര്‍ ഉപ്പട സ്വദേശിയായ എം.സ്വരാജ് തൃപ്പൂണിതുറയില്‍ സിറ്റിങ് എംഎല്‍എ കെ.ബാബുവിനെ തോല്‍പ്പിച്ചാണു കന്നിയങ്കത്തില്‍ വിജയിച്ചത്. 4467 വോട്ടുകളുടെ ഭൂരിപക്ഷത്തോടെയാണ് എല്‍.ഡി.എഫ് സ്ഥാനാര്‍ഥിയായ എം.സ്വരാജിന്റെ ജയം.
ഇടതുമുന്നണിക്ക് വേണ്ടി കോഴിക്കോട് സൗത്തില്‍ മത്സരിച്ച പ്രൊഫ.എ പി അബ്ദുല്‍ വഹാബ,് തൃത്താല മണ്ഡലത്തില്‍ സുബൈദ ഇസ്ഹാഖ്, യു.ഡി.എഫ് സ്ഥാനാര്‍ഥി മലമ്പുഴയില്‍ മത്സരിച്ച വി.എസ് ജോയി, പാലക്കാട് മത്സരിച്ച ബി.ജെ.പി സ്ഥാനാര്‍ത്ഥി ശോഭ സുരേന്ദ്രന്‍ എന്നിവര്‍ തോല്‍വിയറിഞ്ഞ മലപ്പുറത്തുകാരാണ്.