കോഴിക്കോട്: പ്രായമായവര്‍ സ്ഥാനമൊഴിയണമെന്ന് യൂത്തന്‍മാര്‍ മുറവിളി കൂട്ടുമ്പോള്‍ ചാലിയാര്‍ പുഴ നീന്തിക്കടന്ന് കരുത്തുകാട്ടി കോഴിക്കോട് ഡി.സി.സി പ്രസിഡന്റ്. അറുപത്തിനാലുകാരനായ കെ.സി അബുവാണ് കഴിഞ്ഞ ദിവസം ചാലിയാര്‍ പുഴ നീന്തിക്കടന്നത്. പുഴ നീന്തിക്കടക്കുന്നതിന്റെ വീഡിയോ ദൃശ്യം ചിത്രീകരിച്ച് അദ്ദേഹം തന്നെയാണ് ഇത് മാധ്യമങ്ങള്‍ക്ക് എത്തിച്ചതും. പ്രായമായവര്‍ നേതൃസ്ഥാനത്തു നിന്നും ഒഴിയണമെന്ന വി.ടി ബെല്‍റാം എം.എല്‍.എയുടെ പ്രസ്താവനയ്‌ക്കെതിരേ ശക്തമായി രംഗത്തു വന്നിരുന്നു കെ.സി അബു. ഇനിയും ഒരങ്കത്തിനുകൂടി ബാല്യമുണ്ടെന്നു വ്യക്തമാക്കുകയായിരുന്നു ഇതിലൂടെയെന്നാണ് വിലയിരുത്തല്‍.