റിയാദ്: ജിദ്ദയിലെ ഹറമൈന്‍ ട്രെയിന്‍ പ്രൊജക്ടിലുണ്ടായ അപകടത്തില്‍ ശ്രീലങ്കന്‍ തൊഴിലാളി മരിച്ചു. നാലുപേര്‍ക്ക് പരുക്ക്. രണ്ടുപേര്‍ ഇന്ത്യക്കാരാണ്.
കോണ്‍ട്രാക്ടര്‍മാരുടെ രണ്ട് വാഹനങ്ങള്‍ കൂട്ടിയിടിക്കുകയായിരുന്നെന്ന് സഊദി റയില്‍വേയ്‌സ് ഓര്‍ഗനൈസേഷന്‍ അറിയിച്ചു.
ജിദ്ദയിലെ പാലസ്തിന്‍ റോഡില്‍ തൊഴിലാളികള്‍ റെയിലുകള്‍ സ്ഥാപിക്കുമ്പോള്‍ ഒരു വാഹനം പിന്നോട്ട് എടുക്കവേ മറ്റൊരു വാഹനത്തില്‍ കൂട്ടിയിടിക്കുകയുമായിരുന്നു. സുരക്ഷാ നിയമങ്ങള്‍ ലംഘിച്ച് നിരവധി തൊഴിലാളികള്‍ വാഹനത്തിന്റെ പിന്‍ഭാഗത്ത് നിന്നിരുന്നു. ഇതാണ് അപകടത്തിന് കാരണമായത്.
ചികിത്സയില്‍ തുടരുന്ന രണ്ടുപേര്‍ ഇന്ത്യക്കാരാണ്. അപകടത്തെ തുടര്‍ന്ന് പ്രൊജക്ട് പ്രവര്‍ത്തനം താത്കാലികമായി അധികൃതര്‍ തടഞ്ഞിരിക്കുകയാണ്.