കൊച്ചി: ജില്ലയില്‍ വനംവകുപ്പില്‍ ബീറ്റ് ഫോറസ്റ്റ് ഓഫിസര്‍ (കാറ്റഗറി നമ്പര്‍ 0116, 0316, 0416) തസ്തികയിലേക്കുളള തെരഞ്ഞെടുപ്പിനായി ഒക്‌ടോബര്‍ 21ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കു വേണ്ടിയുളള കായികക്ഷമതാ പരീക്ഷ 21മുതല്‍ ഡിസംബര്‍ ഒന്നു വരെ ജി.വി.എച്ച്.എസ്.എസ്  ഗ്രൗണ്ട് ചോറ്റാനിക്കര, എ.ആര്‍ പരേഡ് ഗ്രൗണ്ട് കളമശേരി എന്നീ രണ്ട് കേന്ദ്രങ്ങളിലായി നടത്തും.
ഉദ്യോഗാര്‍ഥികള്‍ തങ്ങളുടെ പ്രൊഫൈലില്‍ നിന്ന് അഡ്മിഷന്‍ ടിക്കറ്റ് ഡൗണ്‍ലോഡ് ചെയ്‌തെടുക്കണം. അഡ്മിഷന്‍ ടിക്കറ്റും കമ്മിഷന്‍ അംഗീകരിച്ച ഏതെങ്കിലും അസല്‍ തിരിച്ചറിയല്‍ കാര്‍ഡുമായി നിശ്ചിതദിവസം രാവിലെ ആറിനു കായികക്ഷമതാ പരീക്ഷയ്ക്ക് അതത് കേന്ദ്രങ്ങളില്‍ എത്തിച്ചേരണം.