കൊല്ലം: കശുണ്ടിമേഖലയിലെ രൂക്ഷമായ തൊഴിലില്ലായ്മയ്ക്കു പരിഹാരം കാണാന്‍ മുഖ്യമന്ത്രി ബന്ധപ്പെട്ടവരുടെ യോഗം വിളിക്കണമെന്നു കേരളാ കോണ്‍ഗ്രസ്(ജേക്കബ്) വിഭാഗം ആവശ്യപ്പെട്ടു.
ഇപ്പോഴത്തെ കറന്‍സി പ്രതിസന്നന്ധിയില്‍ തൊഴിലാളികളുടെ ശമ്പളം പോലും ലഭിക്കാത്ത അവസ്ഥയാണ്.കാഷ്യൂകോര്‍പ്പറേഷന്‍,കാപ്പെക്‌സ്,കശുമാവ്കൃഷി വികസന ഏജന്‍സി,കശുവണ്ടിതൊഴിലാളി ആശ്വാസക്ഷേമനിധി ബോര്‍ഡ് സ്ഥാപനങ്ങളുടെ ഡയറക്ടര്‍ ബോര്‍ഡുകളില്‍ സി.ബി.ഐ,വിജിലന്‍സ് കേസുകളില്‍ പ്രതികളായവരെ ഉള്‍പ്പെടുത്തരുതെന്നും സംസ്ഥാന ജനറല്‍ സെക്രട്ടറിമാരായ വാക്കനാട് രാധാകൃഷ്ണന്‍, കുളക്കട രാജു,സി മോഹനന്‍പിള്ള,കേരളാ കാഷ്യൂവര്‍ക്കേഴ്‌സ് ഫെഡറേഷന്‍(ജേക്കബ്)സംസ്ഥാന ജനറല്‍സെക്രട്ടറി എഴുകോണ്‍ സത്യന്‍ എന്നിവര്‍ വാര്‍ത്താ സമ്മേളനത്തില്‍ ആവശ്യപ്പെട്ടു.