ന്യൂയോര്‍ക്ക്: പുതിയ കിരീട ജേതാവിനെ കണ്ടെത്താനുള്ള ലോക ചെസ്സ് ചാംപ്യന്‍ഷിപ്പിന്റെ അഞ്ചും ആറും ഗെയിമുകളും സമനിലയില്‍ അവസാനിച്ചു. അഞ്ചാം ഗെയിമില്‍ കറുത്ത കരുക്കളുമായി കളിച്ച റഷ്യയുടെ സെര്‍ജി കര്‍ജകിന്‍ വിജയത്തിനുടത്തെത്തിയെങ്കിലും നോര്‍വെയുടെ നിലവിലെ ലോക ചാംപ്യന്‍ മാഗ്നസ് കാള്‍സന്‍ മത്സരം സമനിലയിലാക്കി.
51 നീക്കത്തിനൊടുവിലാണ് ഇരുവരും സമനിലയില്‍ പിരിഞ്ഞത്. ആറാം ഗെയിമില്‍ കാള്‍സനായിരുന്നു മുന്‍തൂക്കം. 31 നീക്കത്തിനൊടുവില്‍ മത്സരം സമനിലയില്‍ അവസാനിച്ചു. 12ല്‍ ആറു ഗെയിമുകള്‍ പൂര്‍ത്തിയായപ്പോള്‍ മൂന്നു വീതം പോയിന്റുമായി ഇരുവരും തുല്ല്യത പാലിക്കുന്നു.