മല്‍ക്കാന്‍ഗിരി: 53 സ്ത്രീകളടക്കം 145 മാവോയിസ്റ്റ് അനുഭാവികള്‍ കീഴടങ്ങിയതായി  ഒഡീഷ പൊലിസ് സൂപ്രണ്ട് മിത്രഭാനു മഹാപത്ര അറിയിച്ചു. ഗ്രാമത്തിലെ നിര്‍ധനരും നിരവപാധികളുമായ ജനങ്ങളെയാണ് മാവോയിസ്റ്റുകള്‍ കൊലപ്പെടുത്തുന്നതെന്നും അതുകൊണ്ട് അവരെ സഹായിക്കരുതെന്നും പൊലിസ് ഗ്രാമീണര്‍ക്ക് മുന്നറിയിപ്പു നല്‍കിയിരുന്നു. മല്‍ക്കാന്‍ഗിരി ജില്ലയിലെ കലിമേല പൊലിസ് സ്റ്റേഷന്‍ പരിധിയിലുള്ള കുറുപ്പ്, മരിഗതാ എന്നീ ഗ്രാമവാസികളാണ് കീഴടങ്ങിയത്. കീഴടങ്ങിയവരില്‍ നാലുപേര്‍ മാവോയിസ്റ്റുകളുടെ കലിമേല ദളത്തില്‍ ഉള്‍പ്പെടുന്നവരാണെന്നും പൊലിസ് അറിയിച്ചു. കീഴടങ്ങിയവര്‍ക്ക് ഭക്ഷണവും വസ്ത്രവും നല്‍കിയാണ് എസ്.പി ഓഫിസില്‍ നിന്ന് വിട്ടയച്ചത്.