ന്യൂഡല്‍ഹി: ആറു സംസ്ഥാനങ്ങളില്‍ ഇന്നലെ ഉപതെരഞ്ഞെടുപ്പ് നടന്നു.മധ്യപ്രദേശ്, അസം, അരുണാചല്‍ പ്രദേശ്, തമിഴ്‌നാട്, പശ്ചിമബംഗാള്‍, ത്രിപുര, പുതുച്ചേരി എന്നിവിടങ്ങളിലാണ് ഉപതെരഞ്ഞെടുപ്പ് നടന്നത്.പശ്ചിമബംഗാളിലെ മോണ്ടിസോറില്‍ നിയമസഭയിലേക്കും കുച്ച്ബിഹാര്‍, തംലുക് എന്നിവിടങ്ങളില്‍ ലോക് സഭയിലേക്കുമാണ് വോട്ടെടുപ്പ് നടന്നത്.അരുണാചലില്‍ ഹെയുലിയാങ്ങില്‍ ആത്മഹത്യ ചെയ്ത മുന്‍ മുഖ്യമന്ത്രി കലികോപോളിന്റെ ഭാര്യ ഡെസിന്‍ഗുപോള്‍ ബി.ജെ.പി സ്ഥാനാര്‍ഥിയായി നിയമസഭയിലേക്ക് മത്സരിക്കുന്നുണ്ട്.തമിഴ്‌നാട്ടില്‍ തഞ്ചാവൂര്‍, അരവാക്കുറിച്ചി, തിരുപ്പറന്‍കുണ്ടം എന്നിവിടങ്ങളില്‍ നിയമസഭ സീറ്റിലേക്കാണ് തെരഞ്ഞെടുപ്പ് നടന്നത്. മുഖ്യമന്ത്രി വി. നാരായണ സ്വാമി സ്ഥാനാര്‍ഥിയായി പുതുച്ചേരി നെല്ലിത്തോപ്പ് മണ്ഡലത്തില്‍ ഇന്നലെ തെരഞ്ഞെടുപ്പ് നടന്നു.  നവംബര്‍ 22നാണ് വോട്ടെണ്ണല്‍.