ചെറുതുരുത്തി: യു.ഡി.എഫ് ക്യാംപുകളെ ഞെട്ടിച്ച് ചേലക്കരയില്‍ യു.ഡി.എഫ് സ്ഥാനാര്‍ഥി പ്രൊഫസര്‍ കെ.എ തുളസിയുടെ സമ്പൂര്‍ണ പരാജയം. യു.ഡി.എഫ് കോട്ടകളില്‍ പോലും പിന്നില്‍ പോയ തുളസി യു.ആര്‍ പ്രദീപിനോടാണ് പരാജയപ്പെട്ടത് 10,200 വോട്ടിനാണ്.
യു.ഡി.എഫ് നേതൃത്വം ദു: സ്വപ്നങ്ങളില്‍ പോലും കാണാത്ത ഒരു തിരിച്ചടിയായി അത് മാറി. പ്രദീപിന് 67,771 വോട്ട് ലഭിച്ചപ്പോള്‍ കെ.എ തുളസിക്ക് 57,571  വോട്ട് മാത്രമാണ് നേടാനായത്. എന്‍.ഡി.എ സ്ഥാനാര്‍ഥി ഷാജുമോന്‍ വട്ടേക്കാട്ട് 23,845 വോട്ട് നേടി. എസ്.ഡി.പി.ഐ സ്ഥാനാര്‍ഥി എ.സുബ്രഹ്മണ്യന് 1116 വോട്ട് ലഭിച്ചപ്പോള്‍ നോട്ടയില്‍ വീണത് 922 വോട്ടാണ്.
സാക്ഷാല്‍ കെ.രാധാകൃഷ്ണനോട് തുളസി മത്സരിച്ച 2001 ല്‍  വെറും 1475 വോട്ടിന് മാത്രമാണ് തുളസി പരാജയപ്പെട്ടിരുന്നത്. 2016ല്‍ നിയമസഭയിലേക്കുള്ള കന്നി മത്സരത്തിനിറങ്ങിയ പ്രദീപിനോട് കനത്ത പരാജയം ഏറ്റുവാങ്ങിയതോടെ അത് തുളസിയുടെ രാഷ്ട്രീയ ജീവിതത്തിലേയും വലിയ തിരിച്ചടിയാവുകയാണ്.