കോഴിക്കോട്: ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ രാജീവ് ഗാന്ധി ഓഡിറ്റോറിയത്തില്‍ ഇന്ദിരാഗാന്ധി അനുസ്മരണം നടത്തി. ഇന്ദിരാജി ജന്മദിനാചരണം കെ.പി.സി.സി വൈസ് പ്രസിഡന്റ് എം.എം ഹസ്സന്‍ ഉദ്ഘാടനം ചെയ്തു.
രാജ്യത്ത് അപ്രഖ്യാപിത സാമ്പത്തിക അടിയന്തരാവസ്ഥ സൃഷ്ടിച്ച് നരേന്ദ്രമോദി ജനങ്ങളെ വലയ്ക്കുകയാണെന്നും അതേസമയം ബാങ്ക് ദേശസാല്‍ക്കരണം പോലുള്ള വിപ്ലവാത്മക നയങ്ങളിലൂടെ രാജ്യപുരോഗതിയില്‍ നിര്‍ണായപങ്കുവഹിച്ച പ്രധാനമന്ത്രിയായിരുന്നു ഇന്ദിരാഗാന്ധിയെന്നും അദ്ദേഹം പറഞ്ഞു.
ഡി.സി.സി പ്രസിഡന്റ് കെ.സി അബു അധ്യക്ഷനായി. എം.കെ രാഘവന്‍ എം.പി, യു.ഡി.എഫ് ജില്ലാ ചെയര്‍മാന്‍ അഡ്വ. പി. ശങ്കരന്‍, കെ.പി.സി.സി ജനറല്‍ സെക്രട്ടറി എന്‍. സുബ്രഹ്മണ്യന്‍, അഡ്വ. കെ. പ്രവീണ്‍കുമാര്‍, പി. ഉഷാദേവി ടീച്ചര്‍, കെ. രാമചന്ദ്രന്‍ മാസ്റ്റര്‍, കെ.പി ബാബു, പി. മൊയ്തീന്‍ മാസ്റ്റര്‍, കെ.വി സുബ്രഹ്മണ്യന്‍, എസ്.വി ഉസ്മാന്‍കോയ, പി.എം അബ്ദുറഹ്മാന്‍, പി.കെ മാമുക്കോയ, പി.വി ബിനീഷ്‌കുമാര്‍, രാജേഷ് കീഴരിയൂര്‍, കണ്ടിയില്‍ ഗംഗാധരന്‍, പി.ടി ജനാര്‍ധനന്‍, തസ്‌വീര്‍ ഹസ്സന്‍ പങ്കെടുത്തു.