കോതമംഗലം: വിന്‍സന്റ് ഡി. പോള്‍ സൊസൈറ്റി കോതമംഗലം കത്തീഡ്രല്‍ പള്ളിയുടെ സമീപത്ത് നിര്‍മിക്കുന്ന സ്പിരിച്വല്‍ ഫോര്‍മേഷന്‍ ആന്‍ഡ് ട്രെയ്‌നിംഗ് സെന്ററിന്റെ ശിലാസ്ഥാപനം രൂപത വികാരി ജനറാള്‍ റവ.ഡോ. ജോര്‍ജ് കാര്യാമഠം നിര്‍വഹിച്ചു.
നാഷണല്‍ സ്പിരിച്വല്‍ അഡ്വൈസര്‍ റവ.ഡോ. സ്റ്റാന്‍ലി കുന്നേല്‍ സഹകാര്‍മികനായിരുന്നു.
യുവജനങ്ങളുടെയും കുട്ടികളുടെയും ആത്മീയവും ഭൗതികവുമായ വളര്‍ച്ചയ്ക്കുതകുന്ന പരിശീലനങ്ങള്‍ സംഘടിപ്പിക്കുക, യുവതി യുവാക്കള്‍ക്ക് തൊഴില്‍ പരിശീലനം ലഭ്യമാക്കുക, ആധുനിക തൊഴിലവസരങ്ങള്‍ പരിചയപ്പെടുത്തുക തുടങ്ങിയവയ്ക്കു പുറമെ, സെന്‍ട്രല്‍ കൗണ്‍സിലിന്റെ ആസ്ഥാനവും എന്നതാണ് ഈ സ്ഥാപനത്തിലൂടെ ലക്ഷ്യമിടുന്നത്.
യോഗത്തില്‍ സെന്‍ട്രല്‍ കൗണ്‍സില്‍ പ്രസിഡന്റ് ബാബു ജോസഫ് കുമ്പളാങ്കല്‍ അധ്യക്ഷത വഹിച്ചു.
നാഷണല്‍ പ്രസിഡന്റ് ജോണ്‍സണ്‍ വര്‍ഗീസ് മുഖ്യപ്രഭാഷണം നടത്തി.