ന്യൂഡല്‍ഹി: 500, 1000 രൂപ നോട്ട് അസാധുവാക്കിയതോടെ പഴയ നോട്ടുകളുടെ ക്രയവിക്രയത്തിന് പ്രതിസന്ധി നേരിട്ട സഹകരണമേഖലയ്ക്ക് ഇളവ് നല്‍കാന്‍ കേന്ദ്രസര്‍ക്കാര്‍ ആലോചിക്കുന്നു. ഏതൊക്കെ തരത്തിലുള്ള ഇളവുകള്‍ എന്നത് സംബന്ധിച്ച് ധനമന്ത്രാലയം അന്തിമ തീരുമാനമെടുക്കുന്നതേയുള്ളൂ. റിസര്‍വ് ബാങ്കിനും ഇത് സംബന്ധിച്ച നിര്‍ദേശം നല്‍കിയിട്ടുണ്ട്. പ്രതിസന്ധി പരിഹരിക്കാന്‍ നബാര്‍ഡിന് കേന്ദ്രം നിര്‍ദേശം നല്‍കും. കടുത്ത രാഷ്ട്രീയ സമ്മര്‍ദ്ദത്തെ തുടര്‍ന്നാണ് നീക്കം.

ബി.ജെ.പി അധ്യക്ഷന്‍ അമിത്ഷാ കേന്ദ്ര ധനമന്ത്രി അരുണ്‍ ജെയ്റ്റ്‌ലിയുമായി വിഷയത്തില്‍ കൂടിക്കാഴ്ച നടത്തി. സഹകരണമേഖലയിലെ സമരം ഗുജറാത്തിലടക്കം നടക്കുന്ന സാഹചര്യത്തിലാണ് ഇളവ് നല്‍കാന്‍ കേന്ദ്രം ആലോചിക്കുന്നത്.