ശാസ്താംകോട്ട: വേങ്ങ മൂത്തോട്ടില്‍ ക്ഷേത്രത്തിന് സമീപം അര്‍ധരാത്രിയില്‍ വീടിനു നേരെ ആക്രമണം. ജനലുകള്‍ അടിച്ചുതകര്‍ത്തു. മൈനാഗപ്പള്ളി വേങ്ങ മുളവൂര്‍വീട്ടില്‍ ശങ്കരപിള്ളയുടെ വീടിന്റെ ജനാലകളാണ് അജ്്ഞാതസംഘം ഇരുമ്പുവടി ഉപയോഗിച്ച് അടിച്ചുതകര്‍ത്തത്. കഴിഞ്ഞ ദിവസം രാത്രി പതിനൊന്നരയോടെയായിരുന്നു സംഭവം. മൂന്നംഗ സംഘമാണ് ആക്രമണം നടത്തിയത്. ശബ്ദം കേട്ടു വീട്ടുകരൂം, സമീപവാസികളും ഉണര്‍ന്നെത്തിയപ്പോഴേക്കും സംഘം ബൈക്കില്‍ കയറി കുറ്റിയില്‍മുക്ക് ഭാഗത്തേക്ക് രക്ഷപെട്ടു. ശാസ്താംകോട്ട പൊലിസ് കേസെടുത്ത് അന്വേഷണം ആരംഭിച്ചു. കുറേ മാസങ്ങളായി മൈനാഗപ്പള്ളിയിലും പരിസരപ്രദേശങ്ങളിലും രാത്രികാലങ്ങളില്‍ വീടുകള്‍ക്കുനേരേ ആക്രമണം പതിവായിരിക്കുകയാണ്. പൊലിസിന്റെ രാത്രികാല പെട്രോളിങ് ശക്തമാക്കണമെന്ന നാട്ടുകാരുടെ ആവശ്യത്തിന് പരിഹാരമുണ്ടായിട്ടില്ല.