ആലുവ: നല്ല വളര്‍ച്ചക്ക് നല്ല വായന എന്ന പ്രമേയത്തില്‍ സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന തലത്തില്‍ നടത്തുന്ന പ്രസിദ്ധീകരണ ക്യാംപയിന്റെ എറണാകുളം ജില്ലാതല ഉദ്ഘാടനം എടത്തല എന്‍.എ.ഡികവല ഹിദായത്തുല്‍ ഇസ്‌ലാം മദ്‌റസാ ഹാളില്‍ നടന്നു. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് വി.കെ മുഹമ്മദ് ദാരിമിയുടെ അധ്യക്ഷതയില്‍ ചേര്‍ന്ന യോഗം സമസ്ത കേന്ദ്ര മുശാവറ അംഗം ഇ.എസ് ഹസ്സന്‍ ഫൈസി ഉദ്്ഘാടനം ചെയ്തു. സെന്‍ട്രല്‍ കൗണ്‍സില്‍ അംഗം പി.എ ശിഹാബുദ്ധീന്‍ മുസ് ലിയാര്‍ വിഷയാവതരണം നടത്തി.
മാനേജ്‌മെന്റ് അസോസിയേഷന്‍ ജില്ലാ പ്രസിഡന്റ് ടി.എ ബശീര്‍, സെക്രട്ടറി സി.കെ സിയാദ് ചെമ്പറക്കി, എസ്.വൈ.എസ് ജില്ലാ സെക്രട്ടറി സി.എം അബ്ദുറഹ്മാന്‍ കുട്ടി ,അബ്ദുല്‍ ജലീല്‍ ഫൈസി , അബ്ദുസ്സലാം ഫൈസി , അബ്ദുല്‍ ജബ്ലാര്‍ ബാഖവി, അബ്ബാസ് ഫൈസി , ഉസ്മാന്‍ ഫൈസി, അബ്ദുറസാഖ് ഫൈസി, നിഷാദ് അന്‍വരി ,അനസ് ബാഖവി, റഷീദ് ബദ്‌റി പങ്കെടുത്തു. ജില്ല സെക്രട്ടറി കെ.എച്ച് അബുസമദ് ദാരിമി സ്വാഗതവും ട്രഷറര്‍ യൂസഫ് മാസ്റ്റര്‍ നന്ദിയും ആശംസിച്ചു.