പെരുമ്പാവൂര്‍: അശമന്നൂര്‍ പഞ്ചായത്ത് കുടുംബശ്രീ വാര്‍ഷികവും പഞ്ചായത്ത് ഭരണസമിതി ഒന്നാം വാര്‍ഷികവും നടന്നു. പഞ്ചായത്ത് ഓഫീസിന് മുന്നില്‍ രണ്ട് ദിവസങ്ങളിലായാണ് പരിപാടികള്‍ സംഘടിപ്പിച്ചത്.
പരിപാടിയോടനുബന്ധിച്ച് വര്‍ണ്ണശബളമായ റാലിയും കുടുംബശ്രീ പ്രവര്‍ത്തകരുടെ വിവിധ കലാകായിക മത്സരങ്ങളും നടന്നു. തുടര്‍ന്ന് നടന്ന പൊതുസമ്മേളനം പെരുമ്പാവൂര്‍ എം.എല്‍.എ അഡ്വ.എല്‍ദോസ് കുന്നപ്പിള്ളി ഉദ്ഘാടനം ചെയ്തു. പഞ്ചായത്ത് പ്രസിഡന്റ് എന്‍.എം സലിം ആധ്യക്ഷത വഹിച്ചു.
യു.ഡി.എഫ് കണ്‍വീനര്‍ പി.പി തങ്കച്ചന്‍, മുന്‍ എം.എല്‍.എ സാജു പോള്‍, ടെല്‍ക്ക് ചെയര്‍മാന്‍ എന്‍.സി മോഹനന്‍, ജില്ലാപഞ്ചായത്ത് വൈസ് പ്രസിഡന്റ് അബ്ദുല്‍ മുത്തലിബ്, സി.ഡി.എസ് ചെയര്‍പേഴ്‌സണ്‍ കെ.കെ സരോജനി, പഞ്ചായത്ത് വൈസ് പ്രസിഡന്റ് ബിന്ദു നാരായണന്‍, കൂവപ്പടി ബ്ലോക്ക് പ്രസിഡന്റ് ബിന്ദു ഗോപാലകൃഷ്ണന്‍, ജില്ലാപഞ്ചായത്തംഗം ബേസില്‍ പോള്‍ എന്നിവര്‍ സംസാരിച്ചു. പരിപാടിയില്‍ ഏറ്റവും പ്രായംകൂടിയ കുടുംബശ്രി പ്രവര്‍ത്തക, ഏറ്റവും മികച്ച ആശ പ്രവര്‍ത്തക, ഏറ്റവും മുകച്ച വനിത കര്‍ക്ഷക എന്നിവരെ ആദരിച്ചു. പഞ്ചായത്തിലെ ഏറ്റവും മികച്ച കുടുമ്പശ്രീക്കുള്ള അവാര്‍ഡ് 14-ാം വര്‍ഡിലെ ശ്രിക്ഷ്മി കുടുംബശ്രീക്ക് ലഭിച്ചു.
വാര്‍ഷികത്തോടനുബന്ധിച്ച് നടന്ന റാലിയിലെ നിശ്ചല ദൃശൃം ശ്രദ്ദേയമായി. വൃദ്ധരും യുവാളുമടക്കം ബാങ്കിന് മുന്നില്‍ പാസ്ബുക്കുമായി കാത്തുനില്‍ക്കുന്നതും സമീപം ഭിക്ഷക്കാരിക്ക് നീട്ടുന്ന 500 രൂപ നോട്ട് ഭിക്ഷക്കാരി നിരസിക്കുന്നതുമായിരുന്നു നിശ്ചലദൃശൃം.
നോട്ടുനിരോധനം മൂലം വലയുന്ന സാധാരണക്കാരന്റെ അവസ്ഥയെ പ്രമേയമാക്കിയ നിശ്ചല ദൃശ്യത്തിന് റാലിയില്‍ ഉടനീളെ കൈയ്യടി നേടാനും കഴിഞ്ഞു. 14-ാം വര്‍ഡ് ശ്രീലക്ഷ്മി കുടുംബശ്രീയാണ് ഈ നിശ്ചല ദൃശ്യവും ഒരുക്കിയത്.