ജമ്മു: കശ്മിരില്‍ നിയന്ത്രണരേഖയ്ക്ക് സമീപം പാക് സൈന്യത്തിന്റെ ആക്രമണത്തില്‍ മൂന്ന് ജവാന്‍മാര്‍ കൊല്ലപ്പെട്ടു. ഒരു സൈനികന്റെ മൃതദേഹം വികൃതമാക്കിയ നിലയിലായിരുന്നു. ഇത് രണ്ടാം തവണയാണ് സൈനികരുടെ മൃതദേഹം വികൃതമാക്കുന്നത്. കഴിഞ്ഞ മാസവും സൈനികനെ കൊലപ്പെടുത്തിയ ശേഷം മൃതദേഹം വികൃതമാക്കിയിരുന്നു

കശ്മിരിലെ മാച്ചില്‍ മേഖലയിലാണ് ആക്രമണം ഉണ്ടായത്. ശക്തമായ തിരിച്ചടി നല്‍കുമെന്ന് ഇന്ത്യന്‍ സൈന്യം അറിയിച്ചു. ആക്രമണം നടത്തിയതിന് പിന്നില്‍ പാക് അതിര്‍ത്തി സേനയാണ്. ആക്രമണം നടത്തിയതിന് ശേഷം അവര്‍ രക്ഷപെട്ടെന്നും ഇന്ത്യന്‍ സൈന്യം അറിയിച്ചു.

സ്ഥലത്ത് വ്യാപക തിരച്ചില്‍ തുടരുകയാണ്. പുലര്‍ച്ചെ ബന്ദിപ്പോറ ജില്ലയില്‍ നടന്ന ഏറ്റമുട്ടലില്‍ രണ്ടു ഭീകരരെ സൈന്യം വധിച്ചിരുന്നു. ഇതിനു പിന്നാലെയാണ് മാച്ചില്‍ മേഖലയില്‍ ഏറ്റുമുട്ടലുണ്ടായത്.