ഫറോക്ക്: ഹാജി എ.പി ബാവ ചാരിറ്റബിള്‍ ട്രസ്റ്റിന്റെ സ്‌പോണ്‍സര്‍ഷിപ്പില്‍ ഫാറൂഖ് കോളജില്‍ നിര്‍മിച്ച ഹാജി എ.പി ബാവ കണ്‍വന്‍ഷന്‍ സെന്റര്‍ ആപ്‌കോ ഗ്രൂപ്പ് ചെയര്‍മാന്‍ എ.പി അബ്ദുല്‍ കരീം ഹാജി ഉദ്ഘാടനം ചെയ്തു. എം.പി അബ്ദുസമദ് സമദാനി മുഖ്യപ്രഭാഷണം നടത്തി. മാനേജിങ് കമ്മിറ്റി പ്രസിഡന്റ് പി.കെ അഹമ്മദ് അധ്യക്ഷനായി.
പ്രിന്‍സിപ്പല്‍ പ്രൊഫ. ഇ.പി ഇമ്പിച്ചിക്കോയ രിപ്പോര്‍ട്ട് അവതരിപ്പിച്ചു. സെക്രട്ടറി കെ.വി കുഞ്ഞഹമ്മദ് കോയ, എ.പി ബാവ ചാരിറ്റബിള്‍ ട്രസ്റ്റ് സെക്രട്ടറി ഡോ. എ. മുഹമ്മദ് ഹനീഫ, കോളജ് മാനേജര്‍ അഡ്വ. എം. മുഹമ്മദ്, ട്രഷറര്‍ സി.പി കുഞ്ഞിമുഹമ്മദ്, പ്രൊഫ. കെ.എം അബ്ദുറഷീദ്, ഡോ. കെ.എം നസീര്‍, പി. അബൂബക്കര്‍, ഡോ.ടി. ശാലിനി ബീഗം, പി.വി ഫഹീം അഹമ്മദ് എന്നിവര്‍ സംസാരിച്ചു.