കോഴിക്കോട്: റിട്ടയേര്‍ഡ് ബാങ്ക് ജീവനക്കാരുടെ പെന്‍ഷന്‍ നിലവിലുള്ള ജീവനക്കാരുടെ വേതനവര്‍ധനവിനനുസൃതമായി പുതുക്കാത്തതിനെതിരേ റിട്ടയേര്‍ഡ് ബാങ്ക് ജീവനക്കാര്‍ പ്രക്ഷോഭത്തിനൊരുങ്ങുന്നു. ഫാമിലി പെന്‍ഷന്‍ കേന്ദ്ര-സംസ്ഥാന ജീവനക്കാരുടേതിനു സമാനമായ വിധത്തില്‍ ഉയര്‍ത്താത്തതിലും പ്രതിഷേധം ശക്തമാണ്.
പ്രതിഷേധത്തിന്റെ ഭാഗമായി ഡിസംബര്‍ ആദ്യവാരത്തില്‍ ഐ.ഒ.ബി റിട്ടയറീസ് അസോസിയേഷന്‍ പാര്‍ലമെന്റിലേക്കു മാര്‍ച്ച് നടത്തും. കോഴിക്കോട്ട് നടന്ന ഐ.ഒ.ബി റിട്ടയറീസ് അസോസിയേഷന്‍ മേഖലാ സമ്മേളനം സി.പി.ഐ ജില്ലാ സെക്രട്ടറി ടി.വി ബാലന്‍ ഉദ്ഘാടനം ചെയ്തു. പി.സി.ഐ സിദ്ദീഖ് അധ്യക്ഷനായ ചടങ്ങില്‍ ഇ.വി ശശിധരന്‍, എ.പ്രഭാകരന്‍ എന്നിവര്‍ സംസാരിച്ചു.