കൊച്ചി: പള്ളി ഇമാമുമാരെ കമ്മ്യൂണിറ്റി ഡവലപ്‌മെന്റ് ഉദ്യോഗസ്ഥരുടെ പദവിയിലേക്ക് ഉയര്‍ത്തുന്നതുമായി ബന്ധപ്പെട്ട് കേരള സ്റ്റേറ്റ് വഖ്ഫ് ബോര്‍ഡ് സംസ്ഥാന വ്യാപകമായി സംഘടിപ്പിക്കുന്ന ബോധവല്‍ക്കരണ ക്യാംപിന്റെ സംസ്ഥാനതല ഉദ്ഘാടനം കാസര്‍കോട് വച്ച് ഡിസംബര്‍ രണ്ടാംവാരം നിര്‍വഹിക്കാന്‍ കേരള സ്റ്റേറ്റ് വഖ്ഫ് ബോര്‍ഡ് യോഗം തീരുമാനിച്ചു.
യോഗത്തില്‍ ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ അധ്യക്ഷത വഹിച്ചു. മെമ്പര്‍മാരായ എം.സി മായിന്‍ഹാജി, അഡ്വ. പി.വി സൈനുദ്ദീന്‍, അഡ്വ. എം ഷറഫുദ്ദീന്‍, ടി.പി അബ്ദുല്ലക്കോയ മദനി, അഡ്വ. ഫാത്തിമ റോസ്‌ന, അഡീഷനല്‍ നിയമ സെക്രട്ടറി എ. സാജിദ, ചീഫ് എക്‌സിക്യൂട്ടീവ് ഓഫിസര്‍ ഇന്‍ചാര്‍ജ് യു. അബ്ദുല്‍ ജലീല്‍ സംബന്ധിച്ചു.