ശ്രീകണ്ഠപുരം: എട്ടാം ക്ലാസ് വിദ്യാര്‍ഥിയെ പ്രലോഭിപ്പിച്ച് കൂട്ടികൊണ്ടു പോയി പ്രകൃതി വിരുദ്ധ പീഡനത്തിനിരയാക്കിയ സംഭവത്തില്‍ യുവാവ് അറസ്റ്റില്‍. കാവുമ്പായി സ്വദേശിയും ബി.ജെ.പി നേതാവുമായ ചെറുകുളത്തില്‍ സന്തോഷിനെ(39)യാണ് ശ്രീകണ്ഠപുരം എസ്.ഐ പി.ബി സജീവും സംഘവും അറസ്റ്റ് ചെയ്തത്. കഴിഞ്ഞ 12ന് പണം നല്‍കി പ്രലോഭിപ്പിച്ച് ബൈക്കില്‍ കുട്ടിയെ കയറ്റിക്കൊണ്ടുപോയി പീഡിപ്പിച്ചെന്നാണ് പരാതി. കഴിഞ്ഞ തദ്ദേശസ്വയംഭരണ തെരഞ്ഞെടുപ്പില്‍ ശ്രീകണ്ഠപുരം എള്ളരിഞ്ഞി വാര്‍ഡില്‍ ബി.ജെ.പിക്കു വേണ്ടി സന്തോഷ് മത്സരിച്ചിരുന്നു. പ്രതിയെ കോടതി റിമാന്‍ഡ് ചെയ്തു.