ബംഗളൂരു:എ.ടി.എമ്മില്‍ നിക്ഷേപിക്കാനായി പണവുമായി വാഹനത്തിന്റെ ഡ്രൈവര്‍ കടന്നുകളഞ്ഞു. വാഹനം ഉപേക്ഷിച്ച നിലയില്‍ കണ്ടെത്തി. ഇന്നലെയാണ് ബംഗളൂരുവിലെ എടിഎമ്മിലേക്കുള്ള 1.37 കോടി രൂപയുമായി വാഹനത്തിന്റെ ഡ്രൈവര്‍ കടന്നുകളഞ്ഞത്.

വസന്ത് നഗറിലാണ് വാന്‍ ഉപേക്ഷിക്കപ്പെട്ട നിലയില്‍ കണ്ടെത്തിയത്. വാനില്‍നിന്നും 45 ലക്ഷം രൂപയും തോക്കും കണ്ടെടുത്തു. വാഹനത്തിലുണ്ടായിരുന്ന ഉദ്യോഗസ്ഥര്‍ ബാങ്കിലേക്ക് പോയ തക്കം നോക്കിയാണ് ഇയാള്‍ വാഹനവുമായി കടന്നുകളഞ്ഞത്. ഇയാള്‍ക്കായി പൊലിസ് തെരച്ചില്‍ ഊര്‍ജിതമാക്കിയിട്ടുണ്ട്.