വളാഞ്ചേരി: വലിയകുന്ന് നടുത്തൊടിയില്‍ അഷ്‌റഫിന്റെ മകന്‍ 16കാരന്‍ അബ്ദുല്‍ ഹഖ് ഇനി ഇന്ത്യന്‍ ത്രോബോള്‍ താരമാണ്. ഇന്ത്യന്‍ ത്രോബാള്‍ ടീമിലേക്കു തെരഞെടുക്കപ്പെട്ട ഈ താരം ഇരിമ്പിളിയം എം.ഇ.എസ്.എച്ച്.എസ്.എസ് വിദ്യാര്‍ഥിയാണ്.
കഴിഞ്ഞ ദിവസങ്ങളില്‍ നടന്ന സംസ്ഥാനതല ചാംപ്യന്‍ഷിപിലാണ് ഇന്ത്യന്‍ ടീമിലേക്കുള്ള വഴിതുറന്നത്. ഈ വര്‍ഷം കേരളത്തില്‍നിന്നു സെലക്ഷന്‍ നേടുന്ന ഏക താരമാണ് അബ്ദുല്‍ ഹഖ്. അടുത്തമാസം സിങ്കപ്പൂരില്‍ നടക്കുന്ന അന്തര്‍ദേശീയതല ത്രോബാള്‍ ചാംപ്യന്‍ഷിപ്പില്‍ അബ്ദുല്‍ഹഖും പങ്കെടുക്കും. കളിയോടൊപ്പം പഠനത്തിലും മികവുതെളിയിച്ച അബ്ദുല്‍ ഹഖ്, കഴിഞ്ഞ എസ്.എസ്.എല്‍.സി പരീക്ഷയില്‍ മുഴുവന്‍ വിഷയങ്ങളിലും എ പ്ലസ് നേടിയിരുന്നു.