കണ്ണൂര്‍: എസ്.കെ.എസ്.എസ്.എഫ് ജില്ലാ വെസ്റ്റ് സോണ്‍ ഇന്റര്‍കോണ്‍ ഇന്നു രാവിലെ ഒന്‍പതു മുതല്‍ വൈകുന്നേരം അഞ്ചുവരെ ചാലാട് ഗവ. യു.പി സ്‌കൂളില്‍ നടക്കുമെന്ന് കോഓര്‍ഡിനേറ്റര്‍ ജുനൈദ് ചാലാട് അറിയിച്ചു.
രാവിലെ ഒന്‍പതിന് ഉദ്ഘാടന സംഗമം, തുടര്‍ന്നു നമ്മുടെ സംഘടന, അല്‍-ഇഹ്‌സാന്‍, ഇഫക്ടീവ് മീറ്റിങ്, ഓഫിസ് മാനേജ്‌മെന്റ്, ഡൈനാമിക് ലീഡര്‍ഷിപ്പ്, ഐ.എസ് സലഫിസം, ഏക സിവില്‍കോഡ് എന്നീ വിഷയങ്ങളില്‍ ഇബ്രാഹിം ബാഖവി പൊന്ന്യം, അസ്‌ലം അസ്ഹരി പൊയ്തുംകടവ്, ബഷീര്‍ അസ്അദി നമ്പ്രം, അസീസ് അഷ്‌റഫി, ലത്തീഫ്, എ.കെ അബ്ദുല്‍ ബാഖി എന്നിവര്‍ ക്ലാസെടുക്കും.
അഞ്ചരക്കണ്ടി, മുണ്ടേരി, കണ്ണൂര്‍, പുതിയതെരു, കമ്പില്‍ മേഖലകളിലെ ശാഖാ പ്രസിഡന്റ്, സെക്രട്ടറി, ട്രഷറര്‍, ക്ലസ്റ്റര്‍ പ്രസിഡന്റ്, സെക്രട്ടറി, വര്‍ക്കിങ് സെക്രട്ടറി, ട്രഷറര്‍, മേഖലാ ഭാരവാഹികള്‍ പങ്കെടുക്കും. സംസ്ഥാന അദാലത്ത്, ലീഡേഴ്‌സ് കാരവന്‍ തുടങ്ങിയ പദ്ധതികളുടെ രേഖകള്‍ ശാഖകള്‍ക്കു കൈമാറും.

എസ്.വൈ.എസ് ജില്ലാ സംഗമം ഇന്ന്

കണ്ണൂര്‍: എസ്.വൈ.എസ് ജില്ലാ കൗണ്‍സില്‍ സംഗമം ഇന്ന് സിറ്റി അരട്ടക്കപള്ളി നൂറുല്‍ ഇസ്‌ലാം മദ്‌റസയില്‍ നടക്കും. രാവിലെ ഒന്‍പതിന് സിയാറത്തിനു സയ്യിദ് അസ്‌ലം തങ്ങള്‍ നേതൃത്വം നല്‍കും. മഹല്ല് പ്രസിഡന്റ് ടി.പി ഉമര്‍കുഞ്ഞി ഹാജി പതാക ഉയര്‍ത്തും. സംഗമം സമസ്ത സെക്രട്ടറി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്യും. മലയമ്മ അബൂബക്കര്‍ ബാഖവി, ആസിഫ് ദാരിമി പുളിക്കല്‍, മുഹമ്മദ് സലീം ഫൈസി ഇര്‍ഫാനി, മുഹമ്മദ് രാമന്തളി വിഷയം അവതരിപ്പിക്കും.