അഡ്‌ലെയ്ഡ്: ദക്ഷിണാഫ്രിക്കക്കെതിരായ മൂന്നാം ക്രിക്കറ്റ് ടെസ്റ്റില്‍ ആസ്‌ത്രേലിയ പിടിമുറുക്കി. ആദ്യ ഇന്നിങ്‌സില്‍ ദക്ഷിണാഫ്രിക്ക ഒന്‍പതിനു 259 റണ്‍സില്‍ ഡിക്ലയര്‍ ചെയ്തപ്പോള്‍ ആസ്‌ത്രേലിയ 383 റണ്‍സെടുത്ത് 124 റണ്‍സ് ലീഡ് സ്വന്തമാക്കി. രണ്ടാമിന്നിങ്‌സ് തുടങ്ങിയ ദക്ഷിണാഫ്രിക്ക മൂന്നാം ദിനം കളി നിര്‍ത്തുമ്പോള്‍ ആറു വിക്കറ്റുകള്‍ നഷ്ടപ്പെട്ട് 194 റണ്‍സെന്ന നിലയില്‍. നാലു വിക്കറ്റുകള്‍ കൈയിലിരിക്കേ അവര്‍ക്ക് 70 റണ്‍സ് ലീഡ്. 81 റണ്‍സുമായി ഓപണര്‍ സ്റ്റീഫന്‍ കുക്ക് പുറത്താകാതെ നില്‍ക്കുന്നതാണ് അവര്‍ക്ക് ആശ്വാസം. ആസ്‌ത്രേലിയക്കായി നതാന്‍ ലിയോണ്‍ മൂന്നും സ്റ്റാര്‍ക്ക് രണ്ടും വിക്കറ്റെടുത്തു. നേരത്തെ ഉസ്മാന്‍ ഖവാജയുടെ സെഞ്ച്വറി (145)യാണ് ഓസീസിനു കരുത്തായത്.