എടപ്പാള്‍: തെരഞ്ഞെടുപ്പ് ആഹ്ലാദ പ്രകടനത്തിനിടെ എടപ്പാള്‍ തുയ്യത്ത് സംഘര്‍ഷം. വ്യാഴാഴ്ച വൈകീട്ട് നാലരയോടെയാണ് സംഘര്‍ഷം രൂപപെട്ടത്. ബി.ജെ.പിയുടെയും സി.പി.എമ്മിന്റെയും ആഹ്ലാദ പ്രകടനങ്ങള്‍ തമ്മില്‍ കൂട്ടിമുട്ടിയതാണ് സംഘര്‍ഷത്തിലേക്ക് നയിച്ചത്. വിവരമറിഞ്ഞ് സ്ഥലത്തെത്തിയ പൊന്നാനി സി.ഐ രാധാകൃഷ്ണപിള്ളയുടെയും എസ്.എ ഷിനോദിന്റെയും നേതൃത്വത്തിലുള്ള പൊലിസ് സംഘം സ്ഥലത്തെത്തി ഇരു വിഭാഗങ്ങളെയും വിരട്ടിയോടിച്ചു. നിലവില്‍ സ്ഥിതി ശാന്തമാണ്.